අම්මා කෙනෙක් කියන්නෙ පවුලක මුදුන් මුල. විශේෂයෙන්ම දරුවන්ට අම්මා කෙනෙක්ගේ සෙනෙහස ගොඩාක් වැදගත්. ජීවිතේ මොන බාධක ආවත් අම්ම ඉන්නවනම්, අපේ ලග අප...
අම්මා කෙනෙක් කියන්නෙ පවුලක මුදුන් මුල.
විශේෂයෙන්ම දරුවන්ට අම්මා කෙනෙක්ගේ සෙනෙහස ගොඩාක් වැදගත්.
ජීවිතේ මොන බාධක ආවත් අම්ම ඉන්නවනම්, අපේ ලග අපේ හයියට, අපිට ඕනම දෙයක් දිනන්න පුළුවන් .
අද අපේ කතාව ඒ වගේ ශක්තිමත් අම්මා කෙනෙක් එක්ක
නම කියූ පමණින් රටම ආදරය කරන ඇය නිල්මිණි තෙන්නකෝන්.
නිල්මිණී ගේ ජීවිතේ අලුත්ම පරිච්ඡේදයක් මේ දව්ල පටන් අරන් කියලා අපිට ආරංචි වුනා.
අපි ඇය එක්ක ඒ ගැන කතා කලා.
• අක්කේ ඔයාගේ මූනේ වෙනදාට වඩා සතුටක් පේනවා ?
ඔයා ඉතිං කාලෙක ඉදන් මාව දන්නවානේ නංගි,
මගේ මුලු ජීව්තේම ස්වේතා,
මම හිතනවා මගේ මූනෙන් ඔයාට පේන්නේ ජයග්‍රාහී බවක්.
හේතුව..
මගේ දුව වැඩිදුර අධ්‍යාපනයට විදෙස් ගත වෙනවා.
ඒ doctor කෙනෙක් වෙන්න.
මගේ ලොකු හීනයක්.....
මම අවුරුදු ගානක් රෑ දවල් නැතිව මහන්සිවුනේ එයාගේ මූනේ හිනාවක් දකින්න.
අද මම දිනුවා කියලා මට හිතෙනවා.
• ස්වේතා, අක්කගේ කපාපු පලුව, ආස නැද්ද රංගන ක්ශේත්‍රයට යොමු කරන්න.
ඇත්තටම එයා දැකිද්දී මට මගේ පොඩිකාලෙ මතක් වෙනවා.
ඒ වගේ දරුවෙක් ලබන්න මම පිං කරලා තියෙනවා.
එයා ගොඩාක් ලැජ්ජාශීලී දැරුවෙක්,එයාට හොද රස වින්දනයක් තියෙනවා.
ඒත් එයා රංගනයට එයි කියලා හිතන්න නම් බෑ
• ස්වේතා මොනවගේ කෙනෙක් ද ?
එයා ගොඩාක් කාරුණික ,නිහතමානී දරුවෙක්,
මම හිතන්නේ අම්මා හොද විදියට ජීවිතේට මුහුන දෙනකොට ළමයි ඒදිහා බලලා ඉබේම හැදෙනවා.
අපි දෙන්නා හොද යාලුවෝ වගේ,
එයා ගෙදරටම වෙලා ආච්චි අම්මා එක්ක හැදුනු දරුවෙක්,
ඒවගේම සතා සිව්පාවුන්ට සොබාදහමට ගොඩාක් ලැදියි.
• අද ඔබ වගකීම් දරන් මවක් විදියට ඔබේ මව ගැන මොකද හිතෙන්නේ ?
මගේ අම්මා මට මහමෙරක්,මට වගේම මගේ දුවටත්,
මම රූගත කිරීම් වලට යන්නේ ඇයට දරුවව බාරදීලා,
දුව මට වඩා අම්ම එක්ක එකතුයි,මගේ ජීවිතේට වුන දේවල් ගැන එයාට දුක ඇති,
වැදගත්ම දේ අම්මා එපා කියන දෙයක් කලොත් ඒක අනිවාර්යයෙන් වරදිනවා...
*ඔබේ ජිවීතේ මොනවාද ඉදිරි කටයුතු ?
චිත්‍රපට තුනක් කරලා තියෙනවා.
තව ටෙලි නිර්මාණ කීපයකුත් කරලා තියෙනවා.
නිල්මිණිටත් ස්වේතාටත් සුබ පතලා අපි කතාව අවසන් කලා.
මේ බලන්න ඒදෙන්නගේ ආදරේ කොහොමද කියලා.
සදලි අල්විස්.
